MACO, CVP - Nagkahiusa na usab ang katawhan sa matag komunidad sa Maco pinaagi sa pagtambong sa tiunig nga Brigada Eskwela na ginapahigayon sa Department of Education (DepEd), sugod Mayo 20 hantud 25 tuig 2019.
Sunod sa tema na "Matatag na Bayan para sa maunlad na Paaralan," gisugdan kagahapon, Mayo 21,2019, ang paglunsad sa maong Brigada Eskwela sa Hijo Elementary School niini nga lungsod, na aktibong nagpartisiparan sa mga boluntaryo sa Youth for Peace Movement (YFPM) Maco.
Ang Brigada Eskwela ginapahitabo kada bulan sa Mayo bag-o mag abri sa klase kung asa tinabangay nga ginalimpyuhan sa tibuok komunidad ang mga eskwelahan aron hapsay ang paminsar sa mga estudyante og maanindot ang palibot sa ilang pagasudlang eskwelahan.
Intensyon usab niini nga itapok ang mga katawhan aron mapakita ang tinunay nga pagtinagangay pinaagi sa pag-gahin og oras, pagpaningkamot, og presensya nila sa mao aktibidad.
Kauban ang mga opisyales sa Barangay Hijo, Sangguniang Kabataan, mga kasundaluhan Alpha Company 71st Infantry Battalion, mga ginikanang lumulupyo sa Barangay Hijo, mga boluntaryo sa YFPM Maco, og uban pang boluntaryo, sabay-sabay nilang gilimpyuhan ang Hijo Elementary School.
Nagsugod ang pagpanglimpyo sa alas 9 sa buntag nga gipangunahan sa mga kasundaluhan sa pagpintura sa mga bangko og pader. Naka-asign usab ang ubang mga boluntaryo sa pagpanghinlo sa mga classrooms og mga ginikanang nitambong sa pagpalimpyo sa palibot.
Dako ang pasalamat kasamtangang Principal sa Hijo Elementary School na si Mrs. Efara C. Tutor sa mga midu-aw og mitabang na mahinlo og maanindot ilang eskwelahan. Gi-awhag usab niya ang mga empleyado sa DepEd aron mutabang sa maong aktibidad.
"Tanang DepEd Employees kay gina awhag nga muapil aning 2019 Brigada Eskwela nga mga aktibidades pinaagi sa pag boluntaryo, paggahin og oras og paghatag og suporta sa mga public schools nga duol sa ilang barangay," sugyot ni Ma'am Tutor.
Mapasalamaton usab ang Presidente sa YFPM Maco nga si Elaine Marie Cabatingan sa mga mitabang niya nga mga boluntaryo nga ning gahin ug oras.
Written by: Lilibeth Tejero and Mae Atendido | YFPM Maco Correspondents
Comments
Post a Comment