Kalinaw Para sa Kinaiyahan Project 2019 gipangunahan sa Youth for Peace Movement Maco

MACO, DDO - Kapin dosentos ka mga batan-on gikan sa lain-laing sektor sa komunidad ang niduyog aron ipakita ang ilang paghatag ug giya sa kinaiyahan sa ika tulong “Kalinaw para sa Kinaiyahan” nga nahitabo atong Mayo 26, 2019, sa Brgy. Bucana, niining lugar.

Ang usa ka adlaw nga aktibidad ang nahitabo arun ipakita nga dili lamang mga hamtong ang naga himo ug aksyon alang sa problema sa kinaiyahan, kundi pati ang mga sad batan-on anaay pagtagad sa ika nindot sa niini.

Buntag niana, naay programa nga gipahitabo ang YFPM Maco inubanan sa PYAP, SPES, SSG, og LGU Maco arun mabutang sa hunahuna sa mga ning duyog na mga batan-on kung unsa ka importante ang ilang gihimo nga aktibidad. Busa pa, gipakita sad sa mga batan-on ang ilang pagka lider ug sila madasigon nga mutabang diha sa ika ayo sa katilingban. Hapon niana, nagtanom ug 1000 kapin ka bakhaw ang mga batan-on.

Naa usab ang presensya sa 4K’s provincial president, Celso Lorica III, nga naghatag sa iyang mga pahinumdom ngadto sa mga batan-on nga sila mao ang mga musunoray nga lider ug dili kini imposible nga mahitabo. Iyaha sad sila gipasabot kung unsa ka importante ang nahitabong aktibidad ug dili dapat kini nila malimtan kay sila usa ka lider nga ginabuhat ang ilang mga panultihon.

“Dili dapat ninyo hunahunaon nga gipugos lang mo sa inyong mga presidente kundi tungod naa sa inyong hunahuna ug kasingkasing ang mo serbisyo sa katilingban ilabina sa kinaiyahan,” ani Lorica.

Nahuman ang nahitabong aktibidad sa pag una ni Jean Funchica, ang Municipal Youth Development Officer sa Maco, ug sila naghandum nga dili masayang ang ilang gigahin nga oras sa pagtanom ug kini manubo tanan.

Written by: Peace Communication Committee | YFPM Maco